واش لي كيحسب بوحدو كيشيط ليه؟

عبد الرزاق بوقنطار، رئيس جمعية حماية المستهلك بالمحمدية وعضو الجامعة الوطنية لجمعيات حماية المستهلك

دبا 200 درهم تعادل 14 ليترو مازوط أي 3 بوديزات ديال 5 ليترو وأقل شويا بليترو. الطموبيل لي تتاكل 5 ليترو في 100 كلمتر بسرعة 100 كيلوميتر في الساعة بالفتاس ليبر أي غادي بالسانكيام والمطور مرتاح هنا، على الأقل غتاكل 5 ليترو في النهار الى ماكنتيش كتكراطي الفتاس للتروازيام والدوزيام في كل مرة.

عاد نشوفو الناس لي ساكن في مدينة وخدام في مدينة أخرى كيدير لانافيت، والحالة لي ملتازم مع وليداتو يديهم للمدرسة عاد يمشي العمل وزيد وزيد.... شي حد فيكم غيقول لي يستعمل النقل العمومي للذهاب للعمل واخا 5 ليترو ديال المزوط تدير 71,42 درهم كاستهلاك يومي للطموبيل. الى جا هاد السيد يأخد طاكسي صغير غادي جاي من دارو للمحطة الطرقية أو محطة القطار شحال ثمن طاكسي صغير وشحال ثمن طاكسي كبير وتيكيت ديال التران غادي جاي من مدينتو للمدينة خدام فيها عاد ثمن الطاكسي صغير غادي جاي من المحطة للبلاصة لخدام فيها شتي شحال للمصاريف، وهو علاش أصلا غيتحرم من طونوبيلتو مدام مخلص ضاريبتو ولاصيرونص ديالو.لهبال هذا..

دبا قلنا 5 ليترو في النهار الى ضربناها في 30 يوم تاتعطي 2142,85 درهم في الشهر غير مصروف على المازوط كحد أدنى هنا دبا قربنا أجرة سميك لمانوفري عادي.

لي ماشي عادي هو داك لي كيسميوه سلم الأجور جامد في بلاصتو و مكون مع راساتو هادي شحال. لي ماشي عادي هي ضربة أورا ضربة في الضريبة على الدخل .لي ماشي عادي هي هاديك TVA أي الضريبة على القيمة المضافة كلشي عارف شحال من المواد الاستهلاكية التي يحتاجها المستهلك رغم مضرتها ولكن مدمن عليها ولكن ذاخلة في خانة Lux أو كيتمحن المسكين مثلا المدمن على السجائر...