|
|
وَايْلِي..شْحَالْ اطغِيت
أضيف في 14 يناير 2015 الساعة 58 : 22
وَايْلِي..شْحَالْ اطغِيت *****
ِوَايْلي.. ياخُويـا وَايلي شْحَالْ اطْغيت
ْاتْجَبّرَتِ علينا ومَادَرْتِ للدَّنْيا حْسَاب
اتعْميتِ بالطْمَعْ،وانْسيتِ كيفْ كُنْـتِ
انْكَرتِ نعمَة خَالَقْ لَعْبَادْ والسْحَابْ
وايلي شحالْ اطْغيت،وبسكينْ لسانك
ْاقطعْتِ حْبالْ وُدْ العَشْرَة والوِئـَــام
اسْلكت طريق كُلهَا شُوكْ وسْراب
وايلي..ياخويا وايلي شحال اطْغيت
صَادَقْتِ إبليسْ،واتْجاوَزْتِ خَطْ المُرور بعدما سرَّجْتِ الخيلْ،وانْسيتِ اُلْجَـامْ اذخلتِ سُوقْ ناس الصُّرْبَـة بالغُـرور مافَاهَمْ حَرْكَتْها .. مادَارَسْ نَغْمَتْها .. ماعَارَفْ حَكْمَتها .. وارْكَبْتيها مع لَسْياد .. المَالكين بالعقَـلْ فَنْ حَكْمَة الضَّرْبَـة ِ وايلي..غرَّاتَكْ النَّخْوَة وعشقْ المَال
وظَنّيتِ مْعَـاهُمْ تَقدَرْاتْفوزْ بَاُلْحَرْبَـة
ْإيَّاكْ..رَدْ بالَكْ وافْهَمْ مَعَاني لَكْلاَم
.. ْلله سبحانه عَـزْاُلْجَاهْ وَحسنْ اُلْكَمَال ... إيَّاكْ ْإلاَاطْغِيتِ على نعَـمْ الدّنْيَا واتْجَبّرْت
ْفِي ثانيّة وَحْدَة..تَغْذرْ بِك لِيَّام
كيف تنسى
... ْناسَكْ والحُومة.والصحـَابْ والجِّيرَان
كيف تنسى جَلْسَـة لَحْبابْ نَغْمَتها حْلاَوَة لَكْلاَمْ
اتْخَطِّيتِ بابْ الصّْوَاب.بلاَ تخْمَـامْ
***** ِوايلي..ياخـويا وشحال اتْجَبَّرْت
ْاسْمَعْ لكلامي واصْغىَ لِيَّ مَزْيَان
افهَمْ وَزنْ المَعْنَى،ولااتْحرَّفْ كْـلاَمْ ْشْحالْ منهم سبقوك فْحَربْ الطَّغْيَان
وفْيُومْ رَفْعُوا عْلام خيـولْ اٌلْحَرْكة
سقطوا. كيفْ التَّايَه فْنيرانْ الظـلام
وَايْلِي.خْلاصْ عليك منْ كَثرة الغُرْور
ْوأنْتَ اللّي ابْدِيتِ حَربْ عْدَاوَة لَخْصَام
ْماأنْتَ فْبـَالَكْ مَرتاحْ ولاَ قلبكْ مَسْرور
خُذْ الحكمة من لَسْيادْ واتْوَاضَعْ الليـَّامْ
إلاَ الدُّورَة عْليكْ دَارَتْ يَتْقطّعْ الْجـَامْ
ْماتْنَفعَكْ آهات بْكَى وَلاَدْمُوعْ انْــدام ***** قطعة زجلية من ديوان *وايلي ..شحالْ اطغيت*
للشاعرة الإعلامية عائشة رشدي أويس إسبانيا
|
|
|
[email protected]
التعليق يجب أن يناقش موضوع المادة
|
|
|