آه..يا دنيـا
*****
آه..يا دنيا، لَمْحَايَنْ فيك كْثَا رُ
اُلْمَسْكينْ بَاكِي وَعْدُ،وكَاتَمْ سرَارُ
يَسْهَرْطُولْ اللِّيلْ، ويَجْري نْها رُ
وَاخَذْ الصبَرطعامُه،وعُنوانْ شِعا رُ
قَتْلاتُ لَغْبينَة،ولامَنْ جَابْ اخْبَا رُ
فـْراشُ القَهْرَة،عْليهَا بَانِي سْوَارُ
يَحْكي قصَّة هْمُومُه،بنَغْمَة اوْتا رُ
آه..يا دنيا، لَمْحَايَنْ فيكْ كْثَا رُ
*****
الظَّالَمْ فيك طَاغِي، رَاكَب شْرَاعُه
وبَالغَش يزيدْ المِيزَان يثقّل عْبَا رُ
أمّاالخَيّْ اغْذَرْ خَيُّ،والَّعْدُو بَاعُه
ذخَلْ بِهْ المزايْدَة من غيرشْوارُ
ماراعَ الـمِّيمَة،تبكي نَارْ فرَاقُه
وخَلاّها تَتْألَّمْ قلبها شاعْلَة نـَارُ
ما فَكَّرْ في الخَاوَة،ولِلْغيِر سَاقُه
آه..يا د نيا،،لَمْحَايَنْ فيك كْثارُ
*****
حصَادْ حَرثْنا،عَادْ حَرُّ خْـرِيفْ
وبَرْد شْتَانَا،اصْبَحْ رَعدُ صِيفْ
وغَرْس لَبْحِيرَة،دْبالْ لونْ ازْهَارُ
آه..يا دُ نيا، لَمْحَايَنْ فيكْ كْثارُ
اُلْمَسْكينْ بَاكِي وَعْدُ،كَاتَمْ سرَا رُ
يَسْهَرْطُولْ اللِّيلْ، ويَجْري نْها رُ
*****
بقلم: الشاعرة
عائشة رشدي أويس
إسبانيا