مغربية حـرّة

أنا مغربية،اسْمـي الحُــرّة
عشقي لبلادي يجري فالدَّمْ
وطنـي غالي،ورايتُو حمرا
اعْطيَّتْ الخالق،وهّبْ وانْعَمْ
بَاهِي ورَحْبتُو ديما عامْــرَا
وحُبْ الله والملك هما الشِّعار
***********

مغربية..عَرْبية،أصلي غُـرّة
حفيذةْ مُولاي عْلِي الشْريـف
صحراوية،عَلوِيّة بنت الصّحْرا
يشرّفني الشمال، والجنوب
الشرق، والغرب وحتى الرّيف
وحْدَة بلادي فوق كل الإعتبـار
*********

أنا مغربية،أصالتي راسْ مالـي
هي عَزّي فبلادْ النّاس وشـانـي
حافظها الله ،بالجــاه العـالي
بلادي عْزيزة... غالية
ومحروسة بعْنايةْ سرّ الرّبّاني
عليها نحكي لَوْلادي بافتخار
*********

أنا مغربية ، اسْمـي الحُــرّة
صحراوية حسانية لوني سمرا
عيوني الداخلة والساقية الحمرا
مقاومة وطنية قهرتْ الإستعــمار

أزيلال الحرة

شاعرة الغربة والحنين
عائشة رشدي أويس
إسبانيا